കല്‍പ്പറ്റ: റമളാന്‍ വിശുദ്ധിക്ക്, വിജയത്തിന് എന്ന പ്രമേയവുമായി എസ് വൈ എസ് ആചരിക്കുന്ന റമളാന്‍ കാമ്പയിനിന്റെ സംസ്ഥാനതല ഉദ്ഘാടനം വന്‍ വിജയമാക്കാന്‍ സമസ്ത ഓഫീസില്‍ ചേര്‍ന്ന എസ് കെ എസ് എസ് എഫ് ജില്ലാ കമ്മിറ്റി യോഗം തീരുമാനിച്ചു. ഈ മാസം 19 ന് കല്‍പ്പറ്റ സമസ്ത ഓഫീസില്‍ നടക്കുന്ന ചടങ്ങില്‍ പാണക്കാട് സയ്യിദ് ഹൈദരലി ശിഹാബ് തങ്ങളാണ് കാമ്പയിന്‍ ഉദ്ഘാടനം നിര്‍വ്വഹിക്കുന്നത്. എസ് വൈ എസ് സംസ്ഥാന നേതാക്കള്‍ പങ്കെടുക്കുന്ന പരിപാടി ഗംഭീര വിജയമാക്കാന്‍ പ്രവര്‍ത്തകര്‍ കര്‍മ്മരംഗത്തിറങ്ങണമെന്ന് ജില്ലാ കമ്മിറ്റി യോഗം ആവശ്യപ്പെട്ടു.
പ്രസിഡണ്ട് മുഹമ്മദ്കുട്ടി ഹസനി അദ്ധ്യക്ഷത വഹിച്ചു. ഇബ്രാഹിം ഫൈസി പേരാല്‍ ഉദ്ഘാടനം ചെയ്തു. ഹാരിസ് ബാഖവി കമ്പളക്കാട്, എ കെ സുലൈമാന്‍ മൗലവി, ശംസുദ്ദീന്‍ റഹ്മാനി, കെ എ നാസിര്‍ മൗലവി, കുഞ്ഞിമുഹമ്മദ് ദാരിമി, റഫീഖ് തോപ്പില്‍, എം കെ റശീദ് മാസ്റ്റര്‍, ഹനീഫ ദാരിമി, എ അഷ്‌റഫ് ഫൈസി, അബൂബക്കര്‍ റഹ്മാനി, സാജിദ് ബാഖവി, ശിഹാബ് ഫൈസി റിപ്പണ്‍, നൗഫല്‍ വാകേരി പങ്കെടുത്തു. സെക്രട്ടറി പി സി ത്വാഹിര്‍ സ്വാഗതവും വര്‍ക്കിംഗ് സെക്രട്ടറി കെ എ റഹ്മാന്‍ നന്ദിയും പറഞ്ഞു