മലപ്പുറം: 'വിമലീകിക്കുക, മണ്ണിനെയും മനസ്സിനെയും' എന്ന പ്രമേയത്തില്‍ എസ്.കെ. എസ്എസ്.എഫ് ജില്ലാ കമ്മിറ്റി ആചരിച്ചു വരുന്ന കാമ്പയിന്റെ ഭാഗമായി വെള്ളിയാഴ്ച പള്ളികളില്‍ ശുചിത്വ ബോധവത്കരണം നടത്തും. എസ്.കെ.എസ്.എസ്.എഫ് കാമ്പയിന്റെ രണ്ടാംഘട്ടമാണ് പള്ളികളിലെ ഉദ്‌ബോധനം. ആദ്യഘട്ടം മേഖലാ തലങ്ങളില്‍ ശുചിത്വ കൂട്ടായ്മ സംഘടിപ്പിച്ചിരുന്നു. ജില്ലയിലെ 100 കേന്ദ്രങ്ങളില്‍ വിദ്യാര്‍ഥികളെയും രക്ഷിതാക്കളെയും ഒരുമിച്ചു കൂട്ടിയുള്ള ബോധവത്കരണ സംഗമമാണ് അടുത്ത ഘട്ടം.
ഇതു സംബന്ധിച്ചു ചേര്‍ന്ന യോഗത്തില്‍ പ്രസിഡന്റ് പാണക്കാട് സയ്യിദ് ഹമീദലി ശിഹാബ്തങ്ങള്‍ അധ്യക്ഷതവഹിച്ചു. പി.എം. റഫീഖ്അഹ്മദ് തിരൂര്‍, വി.കെ.എച്ച് റശീദ്, ആശിഖ് കുഴിപ്പുറം, സഹീര്‍ അന്‍വരി പുറങ്ങ്, ശമീര്‍ ഫൈസി ഒടമല, ജലീല്‍ ഫൈസി അരിമ്പ്ര, ശംസുദ്ദീന്‍ ഒഴുകൂര്‍, ജഅ്ഫര്‍ ഫൈസി പഴമള്ളൂര്‍ എന്നിവര്‍ പ്രസംഗിച്ചു.