വെങ്ങപ്പള്ളി : വെങ്ങപ്പളളി ശംസുല്‍ ഉലമാ ഇസ്‌ലാമിക്‌ അക്കാദമി 10-ാം വാര്‍ഷിക ഒന്നാം സനദ്‌ദാന സമ്മേളനത്തിന്‍റെ മേഖലാതല പ്രചരണങ്ങള്‍ക്ക്‌ തുടക്കമായി. കോറോം മദ്രസയില്‍ നടന്ന പരിപാടിയില്‍ വെള്ളമുണ്ട മേഖലാ പ്രചരണോദ്‌ഘാടനം സയ്യിദ്‌ ശിഹാബുദ്ദീന്‍ ഇമ്പിച്ചിക്കോയ തങ്ങള്‍ നിര്‍വ്വഹിച്ചു. പൂവന്‍ കുഞ്ഞബ്‌ദുല്ല ഹാജി അദ്ധ്യക്ഷത വഹിച്ചു. ഖാസിം ദാരിമി പന്തിപ്പൊയില്‍, ഇബ്രാഹിം മാസ്റ്റര്‍ കൂളിവയല്‍, അലി ദാരിമി വെള്ളമുണ്ട, സുബൈര്‍ കണിയാമ്പറ്റ, കെ എം അബ്‌ദുല്ല, ഷൗക്കത്തലി വെള്ളമുണ്ട, കുഞ്ഞിമൊയ്‌തീന്‍ ബാഖവി പ്രസംഗിച്ചു. ഇബ്രാഹിം ഫൈസി പേരാല്‍ പ്രൊജക്‌ട്‌ അവതരിപ്പിച്ചു.
മേഖലാ ഭാരവാഹികളായി പി കുഞ്ഞബ്‌ദുല്ല ഹാജി(ചെയര്‍മാന്‍) കെ ഇബ്രാഹിം ഹാജി, എ പി മമ്മു ഹാജി(വൈ. ചെയര്‍മാന്‍മാര്‍) നൂറുദ്ദീന്‍ ഫൈസി(കണ്‍വീനര്‍) ഹമീദ്‌ വി സി, എം സി ഉമര്‍ മൗലവി(ജോ. കണ്‍വീനര്‍മാര്‍) മൊയ്‌തു ഹാജി കോറോം(ട്രഷറര്‍) എന്നിവരെ തെരഞ്ഞെടുത്തു. നൂറുദ്ദീന്‍ ഫൈസി സ്വാഗതവും ഹമീദ്‌ കോറോം നന്ദിയും പറഞ്ഞു.