മലപ്പുറം: പട്ടിക്കാട് ജാമിഅ നൂരിയ്യ അറബിക് കോളേജ് സുവര്‍ണ ജൂബിലിയുടെ ഭാഗമായി ഫൈസിമാരുടെ സംഘടനയായ ഓസ്‌ഫോജ്‌ന ജില്ലാ കമ്മിറ്റി മലപ്പുറത്ത് അഹ്‌ലുസുന്ന ആദര്‍ശ സംവാദം സംഘടിപ്പിച്ചു. ജാമിഅ പ്രിന്‍സിപ്പല്‍ കെ. ആലിക്കുട്ടി മുസ്‌ലിയാര്‍ ഉദ്ഘാടനംചെയ്തു. ഓസ്‌ഫോജ്‌ന ജില്ലാ പ്രസിഡന്റ് പാതിരിമണ്ണ അബ്ദുറഹ്മാന്‍ ഫൈസി അധ്യക്ഷതവഹിച്ചു. എം.പി. മുസ്തഫല്‍ ഫൈസി സംവാദത്തിന് നേതൃത്വം നല്‍കി. കോഴിക്കോട് ഖാസി സയ്യിദ് ജമലുല്ലൈലി മുഹമ്മദ്‌കോയ തങ്ങള്‍ പ്രാര്‍ഥന നടത്തി.
പി.പി. മുഹമ്മദ്‌ഫൈസി, ഹാജി കെ. മമ്മദു ഫൈസി, കെ.എ. റഹ്മാന്‍ ഫൈസി, വാക്കോട് മൊയ്തീന്‍കുട്ടി ഫൈസി, ടി.പി. ഇപ്പ മുസ്‌ലിയാര്‍, കാളാവ് സെയ്തലവി മുസ്‌ലിയാര്‍, അസ്ഗറലി ഫൈസി. സുലൈമാന്‍ ഫൈസി ചുങ്കത്തറ, അസീസ് ഫൈസി അരിപ്ര, അലി ഫൈസി പറവണ്ണ, സ്വലാഹുദ്ദീന്‍ ഫൈസി വെന്നിയൂര്‍, അബ്ദുല്ല ഫൈസി ചെറുകുളം എന്നിവര്‍ പ്രസംഗിച്ചു