കോഴിക്കോട് : അബുദാബിയിലെ അഹ്മദ് ഖസ്റജിയില് നിന്ന് കാന്തപുരത്തിന് കിട്ടിയതെന്ന് അവകാശപ്പെടുന്ന കേശം മുംബൈയിലെ ഇഖ്ബാല് ജാലിയാവാല എന്ന വ്യക്തിയില് നിന്ന് ലഭിച്ചതാണെന്ന് തെളിയിക്കുന്ന രേഖകള് ലഭ്യമായതായി എസ്.വൈ.എസ് നേതാക്കള് വാര്ത്താസമ്മേളനത്തില് പറഞ്ഞു. ജാലിയാവാലയില് നിന്ന് ലഭിച്ച ഏഴു കേശങ്ങളും നേതാക്കള് വാര്ത്താസമ്മേളനത്തില് പ്രദര്ശിപ്പിച്ചു.
തട്ടിപ്പ് പുറത്തായ സ്ഥിതിക്ക് കാന്തപുരം മതനേതൃസ്ഥാനത്ത് നിന്ന് മാറി നില്ക്കണമെന്ന് നേതാക്കള് ആവശ്യപ്പെട്ടു. അബ്ദുല് ഹമീദ് ഫൈസി അമ്പലക്കടവ്, മുക്കം ഉമ്മര് ഫൈസി, അശ്റഫ് ഫൈസി കണ്ണാടിപറമ്പ്, മുസ്തഫ മുണ്ടുപ്പാറ, പി.കെ മുഹമ്മദ്കുട്ടി മുസ്്ലിയാര്, നാസര് ഫൈസി കൂടത്തായി എന്നിവര് വാര്ത്താസമ്മേളനത്തില് പങ്കെടുത്തു.