മലപ്പുറം : പട്ടിക്കാട് ജാമിഅ നൂരിയ അറബിക് കോളേജിന്റെ 50-ാം വാര്‍ഷികത്തിന്റെ ഭാഗമായി ബുധനാഴ്ച സുന്നി ആദര്‍ശസംവാദം മലപ്പുറത്ത് നടത്തും. കാലത്ത് 10 മണിക്ക് സയ്യിദ് മുഹമ്മദ്‌കോയ തങ്ങള്‍ ജമലുല്ലൈലിയുടെ പ്രാര്‍ഥനയോടെ തുടക്കംകുറിക്കുന്ന 'സംവാദം' ജാമിഅ നൂരിയ പ്രിന്‍സിപ്പല്‍ പ്രൊഫ. കെ. ആലിക്കുട്ടി മുസ്‌ലിയാര്‍ ഉദ്ഘാടനംചെയ്യും. പണ്ഡിതനും ചിന്തകനുമായ എം.പി. മുസ്തഫല്‍ ഫൈസി നേതൃത്വംനല്‍കും. ജാമിഅ 50-ാം വാര്‍ഷിക പദ്ധതി പി.പി. മുഹമ്മദ് ഫൈസി അവതരിപ്പിക്കും.
കോട്ടുമല ടി.എം. ബാപ്പു മുസ്‌ലിയാര്‍, എം.കെ. മൊയ്തീന്‍കുട്ടി മുസ്‌ലിയാര്‍, ഹാജി കെ. മമ്മദ് ഫൈസി, പി.എ. ജലീല്‍ ഫൈസി, കെ.എ. റഹ്മാന്‍ ഫൈസി, എ. മരക്കാര്‍ ഫൈസി, ഒ.ടി. മൂസ മുസ്‌ലിയാര്‍, ടി.പി. ഇപ്പ മുസ്‌ലിയാര്‍, പാതിരമണ്ണ അബ്ദുറഹ്മാന്‍ ഫൈസി, ചെറുകുളം അബ്ദുല്ല ഫൈസി എന്നിവര്‍ സംബന്ധിക്കും. ജാമിഅ പൂര്‍വവിദ്യാര്‍ഥി സംഘടന 'ഓസ്‌ഫോജന'യുടെ ജില്ലയിലെ അംഗങ്ങളെല്ലാം 9.30ന് മലപ്പുറത്ത് എത്തണമെന്ന് ജില്ലാ ജനറല്‍സെക്രട്ടറി സ്വലാഹുദ്ദീന്‍ ഫൈസി വെന്നിയൂര്‍ അറിയിച്ചു.