ചപ്പാരപ്പടവ്:ഇര്ഫാനിയ്യ അറബിക് കോളേജ് 20-ാം വാര്‍ഷികവും 21-ാം സനദ്ദാന സമ്മേളനവും വിവിധ പരിപാടികളോടെ സമാപിച്ചു. ഞായറാഴ്ച നടന്ന പൈതൃക സമ്മേളനം അഷ്‌റഫ് ഫൈസി ഇര്‍ഫാനിയുടെ അധ്യക്ഷതയില്‍ ഇബ്രാഹിം ബാഖവി പൊന്ന്യം ഉദ്ഘാടനംചെയ്തു. ഇന്ത്യയിലെ സൂഫി സാന്നിധ്യം എന്ന വിഷയത്തില്‍ ഖലീല്‍ ഫൈസി ഇര്‍ഫാനി മുഖ്യ പ്രഭാഷണം നടത്തി. പി.അബ്ദുള്‍ലത്തീഫ് ഹാജിയുടെ അധ്യക്ഷതയില്‍ ചേര്‍ന്ന മഹല്ല് സംഗമം അബ്ദുള്‍റഹ്മാന്‍ കല്ലായി ഉദ്ഘാടനംചെയ്തു.
നവോത്ഥാനം മഹല്ലുകളില്‍ എന്ന വിഷയത്തില്‍ ഹുസൈന്‍ ഫൈസി ഇര്‍ഫാനി മുഖ്യ പ്രഭാഷണം നടത്തി. ഉലമാ സംഗമം സയ്യിദ് ഹാഷിം കുഞ്ഞിക്കോയ തങ്ങള്‍ ഉദ്ഘാടനംചെയ്തു. ഷരീഫ് ഫൈസി ഇര്‍ഫാനി, പി.കെ.പി.അബ്ദുസലാം, റഹ്മത്തുള്ള മൂത്തേടം തുടങ്ങിയവര്‍ സംസാരിച്ചു. സമാപന സമ്മേളനം കോട്ടുമല ബാപ്പു മുസ്‌ലിയാര്‍ ഉദ്ഘാടനംചെയ്തു. മാണിയൂര്‍ അഹ്മദ് മുസ്‌ലിയാര്‍ അധ്യക്ഷനായി. വി.മുഹമ്മദ് മുസ്‌ലിയാര്‍ സനദ്ദാന പ്രഭാഷണം നടത്തി.