കല്പറ്റ: ഇര്‍ഫാനിയ്യ സനദ്ദാന മഹാസമ്മേളനം ജില്ലാ പ്രചാരണ കണ്‍വെന്‍ഷന്‍ 18ന് രണ്ടുമണിക്ക് കല്പറ്റ സമസ്ത കാര്യാലയത്തില്‍ നടത്തും. നിസാര്‍ ഫൈസി ഇര്‍ഫാനി 'ആത്മീയത-നാം അറിഞ്ഞിരിക്കേണ്ട കാര്യങ്ങള്‍' എന്ന വിഷയത്തില്‍ സംസാരിക്കും. ഫിബ്രവരി 23 മുതല്‍ 26 വരെ നടക്കുന്ന സമസ്ത വാര്‍ഷികവും മാര്‍ച്ച് 9, 10, 11 തിയ്യതികളില്‍ നടക്കുന്ന സന്നദ്ദാന മഹാസമ്മേളനവും വിജയിപ്പിക്കാന്‍ ഇര്‍ഫാനിയ്യ ദ അ്‌വാ സംഘം ജില്ലാ കമ്മിറ്റി തീരുമാനിച്ചു.
ഭാരവാഹികള്‍: അബൂബക്കര്‍ ഫൈസി ഇര്‍ഫാനി (പ്രസി), നാസിര്‍ ഫൈസി ഇര്‍ഫാനി, കെ.പി. ഉമ്മര്‍ ഫൈസി (വൈ.പ്രസി), അബൂബക്കര്‍ ഫൈസി ഇര്‍ഫാനി (ജന. സെക്ര), അഷ്‌റഫ് ഫൈസി, വി. അബൂബക്കര്‍ (ജോ. സെക്ര), പി.എ. നാസിര്‍ സഖാഫി (ഖജ). അബൂക്കര്‍ ഫൈസി അധ്യക്ഷത വഹിച്ചു. നാസിര്‍ സഖാഫി പടിഞ്ഞാറത്തറ ഉദ്ഘാടനം ചെയ്തു