കാസര്‍കോട്: 2012 ഏപ്രില്‍ 20,21,22 തീയ്യതികളില്‍ ചട്ടംഞ്ചാല്‍ മാഹിനാബാദ് ശഹീദേ മില്ലത്ത് സി.എം.ഉസ്താദ് നഗറില്‍ വെച്ച് നടക്കുന്ന മലബാര്‍ ഇസ്ലാമിക് കോംപ്ലക്‌സ് 19-ാം വാര്‍ഷിക സനദ് ദാന സമ്മേളനത്തിന്റെ പ്രചരണത്തിന്റെ ഭാഗമായി വിവിധ പ്രവര്‍ത്തന പദ്ധതികള്‍ നടപ്പിലാക്കാന്‍ പ്രചരണസമിതി യോഗം തീരുമാനിച്ചു. മാര്‍ച്ച് 15ന് മുമ്പ് വിവിധ റയ്ഞ്ച് പരിധിയിലെ എസ്.വൈ.എസ്, സുന്നിമഹല്ല് ഫെഡറേഷന്, എസ്.കെ.എസ്.എസ്. എഫ്, സമസ്ത കേരളാ ജംഇയ്യത്തുല്‍ മുഅല്ലിമീന്‍, മദ്രസ്സ മാനേജ്‌മെന്റ് അസോസിയേഷന്‍ എന്നീ സംഘടനകളുടെ പ്രവര്‍ത്തകരെ പങ്കെടുപ്പിച്ചുകൊണ്ട് റയ്ഞ്ച് തല സ്വാഗതസംഘം രൂപീകരിക്കും.
സ്വാഗതസംഘത്തിന്റെ കീഴില്‍ ഏപ്രില്‍ 5ന്റേയും 18ന്റേയും ഇടയില്‍ പ്രചരണ സമ്മേളനം സംഘടിപ്പിക്കും. ഏപ്രില്‍ 13ന് വെള്ളിയാഴ്ച ജുമാനിസ്‌കാരാനന്തരം പള്ളികളില്‍ ഖത്തീബിന്റെ ഉദ്‌ഭോദനപ്രസംഗം ഉണ്ടായിരിക്കും. ഏപ്രിലില്‍ എസ്.കെ.എസ്.എസ്.എഫ് ജില്ലാകമ്മിറ്റിയുടെ നേതൃത്വത്തില്‍ രണ്ട് മേഖലകളിലായി സന്ദേശയാത്ര സംഘടിപ്പിക്കും. ഏപ്രില്‍ 17ന് സുന്നീബാലവേദി ജില്ലാകമ്മിറ്റിയുടെ വിളംബര റാലി കാസര്‍കോട് ടൗണില്‍ നടക്കും. യോഗത്തില്‍ ജലീല്‍ കടവത്ത് അധ്യക്ഷത വഹിച്ചു. സമസ്ത കേരള ജംഇയ്യത്തുല്‍ ഉലമ ജില്ലാജനറല്‍ സെക്രട്ടറി മൌലാനാ യു.എം.അബ്ദുറഹ്മാന്‍ മൗലവി ഉദ്ഘാടനം ചെയ്തു. സ്വാഗതസംഘം ചെയര്‍മാന്‍ കെ.മൊയ്തീന്‍കുട്ടി ഹാജി, കെ.പി.കെ.തങ്ങള്‍, എം.പി.മുഹമ്മദ് ഫൈസി, ഇ.പി.ഹംസത്തു സഅദി, ഇബ്രാഹിം ഫൈസി ജെഡിയാര്‍, റഷീദ് മാസ്റ്റെര്‍ ബെളിഞ്ചം, കണ്ണൂര്‍ അബ്ദുല്ല മാസ്റ്റര്‍, ടി.ഡി.അഹമ്മദ് ഹാജി, പി.വി.അബ്ദുറഹ്മാന്‍, പി.വി.അഹമ്മദ് ഹാജി, നാസര്‍ ഹാജി നാലപ്പാട്, വി.കമാലുദ്ദീന്‍ ഹാജി, അബൂബക്കര്‍ സാലൂദ് നിസാമി, ഹാരീസ് ദാരിമി ബെദിര, ലത്തീഫ് ചെര്‍ക്കള, മൊയ്തീന്‍ ചെര്‍ക്കള, ടി.എം.എ.റഹ്മാന്‍ തുരുത്തി, ഹമീദ് കുണിയ, കെ.പി.ഹുസൈന്‍ തങ്ങള്‍, കെ.എം.ശറഫുദ്ദീന്‍, അന്‍വര്‍ ഹുദവി മാവൂര്‍, ഇംദാദ് പള്ളിപ്പുഴ, റസാഖ് അര്‍ഷദി കുമ്പഡാജ തുടങ്ങിയവര്‍ ചര്‍ച്ചയില്‍ പങ്കെടുത്തു.