വരക്കല്‍ മുല്ലക്കോയ തങ്ങള്‍ നഗര്‍: കേരളത്തിലെ ആധികാരിക പണ്ഡിതസഭയുടെ 85ാം വാര്‍ഷിക സമ്മേളനത്തിന്റെ സന്ദേശമറിയിച്ചു കൊണ്ടുള്ള ചെറുജാഥകള് പൗരാണികതയുടെ ഓര്‍മപ്പെടുത്തലുകളായി. നാടിന്റെ വിവിധ ദിക്കുകളില്‍ നിന്നു 15ഓളം ചെറുജാഥകളാണ് സമ്മേളന നഗരി ലക്ഷ്യമാക്കിയെത്തിയത്. ഓരോ ജാഥയിലും പണ്ഡിതസഭയുടെ പ്രായത്തെ പ്രതിനിധീകരിക്കുന്ന 85 അംഗങ്ങളാണുണ്ടായിരുന്നത്. ചേറൂര്‍ പുളിയം പറമ്പ്, മമ്പുറം, കക്കാട്, വലിയോറ, മമ്പുറം തുടങ്ങി ചരിത്രമുറങ്ങുന്ന വിവിധ പ്രദേശങ്ങളില്‍ നിന്നാണ് ചെറുജാഥകളെ ത്തിയത്.