വേങ്ങര: സമസ്ത 85-ാം വാര്‍ഷിക സമ്മേളനത്തിന്റെ പ്രചാരണാര്‍ഥമുള്ള വാഹനപ്രചാരണ ജാഥകള്‍ ചൊവ്വാഴ്ച തുടങ്ങുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു. പാണക്കാട് മേഖല ജാഥ 9മണിക്ക് കെ.കെ.എസ്. ബാപ്പുട്ടി തങ്ങള്‍ക്ക് പതാക നല്‍കി സാദിഖലി ശിഹാബ്ത ങ്ങളും മമ്പുറം മേഖലാജാഥ മുഈനുദ്ദീന്‍ ജിഫ്‌രി തങ്ങള്‍ക്ക് പതാക നല്‍കി കോഴിക്കോട് ഖാസി സയ്യിദ് മുഹമ്മദ് കോയ ജമലുല്ലൈലിയും ഉദ്ഘാടനം ചെയ്യും. .
വളണ്ടിയര്‍ പരേഡ് മാട്ടില്‍ ബസാറില്‍നിന്ന് അഞ്ചുമണിക്ക് തുടങ്ങും. ഇരു ജാഥകളും ചേറൂര്‍ റോഡ് ജങ്ഷനില്‍ സമാപിക്കും. തുടര്‍ന്ന് പൊതുയോഗവും നടക്കുമെന്ന് ഭാരവാഹികളായ ഒ.കെ. കുഞ്ഞിമാനുമുസ്‌ലിയാര്‍, മുഈനുദ്ദീന്‍ ജിഫ്‌രി തങ്ങള്‍, കെ.ടി സിദീഖ് മരക്കാര്‍ മൗലവി, പി.കെ.സി. മുഹമ്മദ്, എ.കെ. അബ്ദുല്‍ ഖാദര്‍ ഹാജി എന്നിവര്‍ അറിയിച്ചു