പെരുമ്പ: മുസ്‌ലിം എജ്യുക്കേഷന്‍ ഫോര്‍ ബ്ലൈന്‍ഡ്‌ ചാരിറ്റബിള്‍ സൊസൈറ്റി അന്ധരുടെ കൂട്ടായ്‌മ തയ്യാറാക്കിയ ലോകത്തിലെ ആദ്യത്തെ മന്ഖൂസ് മൗലിദിന്റെ ബ്രെയിന്‍ലിപി കോപ്പി, പെരുമ്പ മൂസഹാജി സെന്ററില്‍ സമസ്‌ത കേരള ഇസ്‌ലാംമത വിദ്യാഭ്യാസ ബോര്‍ഡ്‌ മാനേജര്‍ പിണങ്ങോട്‌ അബൂബക്കര്‍ എസ്‌.കെ. ഹംസഹാജിക്ക്‌ നല്‍കി പ്രകാശനം ചെയ്തു. ഇത്‌ തയ്യാറാ ക്കിയത്‌ അന്ധവിദ്യാര്‍ത്ഥിയായ ഹാഫിള്‌ റയീസ്‌ മട്ടന്നൂരാണ്‌.
പെരുമ്പ ഖുര്‍ആന്‍ സ്റ്റഡി സെന്ററിന്റെ പ്രതിമാസ ഖുര്‍ആന്‍ പഠനക്ലാസും പിണങ്ങോട്‌ അബൂബക്കര്‍ ഉദ്‌ഘാടനം ചെയ്തു. ടി.വി. അഹമ്മദ്‌ ദാരിമി, കെ.ടി. ഷറഫുദ്ദീന്‍ ഫൈസി, സിറാജുദ്ദീന്‍ ദാരിമി, ഹാഫിള്‌ അബ്‌ദുല്‍ അസീസ്‌, മുസ്‌ലിം എജ്യുക്കേഷണല്‍ ചാരിറ്റബിള്‍ സൊസൈറ്റി ഫോര്‍ദ ബ്ലൈന്‍ഡ്‌ സ്റ്റേറ്റ്‌ സിക്രട്ടറി അബൂബക്കര്‍ സിദ്ദീഖ്‌ തളിപ്പറമ്പ, സെയ്‌തലവി അമാനി പ്രസംഗിച്ചു.