മലപ്പുറം: പട്ടിക്കാട് ജാമിയ നൂരിയ അറബിക് കോളേജില്‍ നിന്ന് ഫൈസി ബിരുദം നേടിയവ രുടെ സംഘടനയായ 'ഓസ്‌ഫോജ്‌ന'യുടെ പ്രതിനിധി സമ്മേളനം ശനിയാഴ്ച 10ന് കോട്ടയ്ക്കല്‍ മുനിസിപ്പല്‍ സി.എച്ച് ഓഡിറ്റോറിയത്തില്‍ നടക്കും.കോളേജിന്റെ സുവര്‍ണ ജൂബിലിയുടെ ഭാഗമായി നടക്കുന്ന സമ്മേളനത്തിന് പ്രൊഫ. എം.കെ.മൊയ്തീന്‍കുട്ടി മുസ്‌ലിയാര്‍ പതാക ഉയര്‍ത്തും. ആദ്യസെഷന്‍ സമസ്ത പ്രസിഡന്റ് കാളമ്പാടി മുഹമ്മദ് മുസ്‌ലിയാര്‍ ഉദ്ഘാടനംചെയ്യും. രണ്ടാംസെഷന്‍ പാണക്കാട് സയ്യിദ് ഹൈദരലി ശിഹാബ്തങ്ങള്‍ ഉദ്ഘാടനംചെയ്യും.
സംസ്ഥാനത്തിനകത്തും പുറത്തുമുള്ള 500-ഓളം പ്രതിനിധികള്‍ പങ്കെടുക്കുന്ന സമ്മേളനത്തില്‍ വിവിധ പദ്ധതികള്‍ക്കുള്ള ജില്ലാ ഓര്‍ഗനൈസിങ് കമ്മിറ്റികള്‍ക്ക് രൂപം നല്‍കും.
ജാമിയ സെക്രട്ടറി ഹാജി കെ.മമ്മദ് ഫൈസി, ഓസ്‌ഫോജന സെക്രട്ടറി പി.പി.മുഹമ്മദ് ഫൈസി, സ്വാഗതസംഘം കണ്‍വീനര്‍ കെ.എ.റഹ്മാന്‍ ഫൈസി, പാതിരമണ്ണ അബ്ദുറഹ്മാന്‍, ലത്തീഫ് ഫൈസി എന്നിവര്‍ പത്രസമ്മേളനത്തില്‍ പങ്കെടുത്തു.