കാസര്‍കോട്‌ : 2012 ഫെബ്രുവരി 23 മുതല്‍ 26 വരെ മലപ്പുറം കൂരിയാട്‌ വരയ്‌ക്കല്‍ മുല്ലക്കോയ തങ്ങള്‍ നഗറില്‍ വെച്ച്‌ നടക്കുന്ന സമസ്‌ത കേരളജംഇയ്യത്തുല്‍ ഉലമയുടെ 85-ാം വാര്‍ഷിക മഹാസമ്മേളനത്തിന്റെ പ്രചരണത്തിന്റെ ഭാഗമായി SKSSF കാസര്‍കോട്‌ ജില്ലാകമ്മിറ്റി ഫെബ്രു വരി 20ന്‌ കാസര്‍കോട്‌ വെച്ച്‌ ലീഡേഴ്‌സ്‌ റാലി സംഘടിപ്പിക്കാന്‍ ജില്ലാസെക്രട്ടറിയേറ്റ്‌ യോഗം തീരുമാനിച്ചു.
20ന്‌ തിങ്കളാഴ്‌ച വൈകുന്നേരം അസര്‍ നിസ്‌കാരാനന്തരം മാലിക്‌ ദീനാര്‍ മഖാം സിയാറത്തോടുകൂടി ആരംഭിക്കുന്ന റാലിയില്‍ സമസ്‌തയുടേയും കീഴ്‌ഘടകങ്ങളുടേയും 85 ജില്ലാനേതാക്കള്‍ സംബന്ധിക്കും. സമസ്‌ത 85-ാം വാര്‍ഷിക മഹാസമ്മേളനം വിളംബരം ചെയ്യുന്ന റാലി നഗരം ചുറ്റി പുതിയ ബസ്സ്‌ സ്റ്റാന്റില്‍ സമാപിക്കും. യോഗത്തില്‍ ജില്ലാപ്രസിഡണ്ട്‌ ഇബ്രാഹിം ഫൈസി ജെഡിയാര്‍ അധ്യക്ഷത വഹിച്ചു. ജനറല്‍ സെക്രട്ടറി റഷീദ്‌ ബെളിഞ്ചം സ്വാഗതം പറഞ്ഞു. ഹാരീസ്‌ ദാരിമി ബെദിര, എം.എ.ഖലീല്‍, ഹാഷിം ദാരിമി ദേലംപാടി, സത്താര്‍ചന്തേര, മൊയ്‌തീന്‍ ചെര്‍ക്കള, കെ.എം.ശറഫുദ്ദീന്‍, ബഷീര്‍ ദാരിമി തളങ്കര തുടങ്ങിയവര്‍ സംബന്ധിച്ചു.