മലപ്പുറം: കേരളത്തിലെ മുസ്‌ലിം സമൂഹത്തിന് വ്യക്തമായ ദിശാബോധം നല്‍കിയ പ്രസ്ഥാന മാണ് സമസ്തയെന്ന് കെ.ടി. ജലീല്‍ എം.എല്‍. എ പറഞ്ഞു. 'കേരള മുസ്‌ലിം നവോത്ഥാനം, സമസ്തയുടെ പങ്ക്' എന്ന വിഷയത്തില്‍ സംസാരിക്കുകയായിരുന്നു അദ്ദേഹം. സമസ്ത 85-ാം വാര്‍ഷിക പ്രചാരണ ത്തോടനുബന്ധിച്ചാണ് സെമിനാര്‍ സംഘടിപ്പിച്ചത്.
പേരാമ്പ്ര ഗവ. കോളേജ് ചരിത്രാധ്യാപകന്‍ അഭിലാഷ് മലയിലും പ്രബന്ധം അവതരിപ്പിച്ചു. സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനംചെയ്തു. സി. യൂസുഫ് ഫൈസി, കെ.പി. മുഹമ്മദ് മുസ്തഫ, ഡോ. സുബൈര്‍ ഹുദവി ചേകന്നൂര്‍, കെ.ടി. അഷ്‌റഫ് ഹുദവി, സി.എച്ച്. ശരീഫ് ഹുദവി എന്നിവര്‍ പ്രസംഗിച്ചു. വൈകീട്ട് നടന്ന സെഷനില്‍ പ്രൊഫ. ഡോ. പി.കെ. അബ്ദുള്‍അസീസിനെ ആദരിച്ചു. ചടങ്ങ് സയ്യിദ് ബഷീറലി ശിഹാബ് തങ്ങള്‍ ഉദ്ഘാടനംചെയ്തു. ഡോ. ബഹാവുദ്ദീന്‍ ഹുദവി, ബഹാവുദ്ദീന്‍ മുഹമ്മദ് നദ്‌വി, പി. ഉബൈദുല്ല എം.എല്‍.എ, കെ.എം. സൈതലവി ഹാജി, ഹാജി യു മുഹമ്മദ് ശാഫി, ഡോ. സക്കറിയ, പി.കെ. നാസര്‍ ഹുദവി എന്നിവര്‍ പ്രസംഗിച്ചു