മുക്കം: സമസ്ത 85-ാം വാര്‍ഷികത്തിന്റെ പ്രചാരണാര്‍ഥം കോട്ടുമല ബാപ്പു മുസ്‌ല്യാര്‍ നയിക്കുന്ന സന്ദേശയാത്രയ്ക്ക് മുക്കത്ത് സ്വീകരണം നല്‍കി. മുക്കം ഓര്‍ഫനേജ് പരിസരത്തുനിന്ന് തുടങ്ങിയ റാലിക്ക് സലാം ഫൈസി മുക്കം, എം.കെ. ഉമര്‍ബാഖവി, അബ്ദുല്ല ബാഖവി, ടി.കെ.സുഹൈല്‍, ടി.എം.മുഹമ്മദ് മുസ്‌ല്യാര്‍, കബീര്‍ സഖാഫി, മുഹമ്മദ് മുസ്‌ല്യാര്‍ മുണ്ടുപാറ തുടങ്ങിയവര്‍ നേതൃത്വം നല്‍കി.
സമാപനസമ്മേളനം സമസ്ത ജില്ലാ സെക്രട്ടറി ചേലക്കാട് മുഹമ്മദ് മുസ്‌ല്യാര്‍ ഉദ്ഘാടനം ചെയ്തു. മുക്കം മോയിമോന്‍ ഹാജി അധ്യക്ഷത വഹിച്ചു. ജാഥാ ക്യാപ്റ്റന്‍ കോട്ടുമല ബാപ്പുമുസ്‌ല്യാര്‍, ഹസന്‍ സഖാഫി പൂക്കോട്ടൂര്‍, കെ. മോയിന്‍കുട്ടി, കെ. ഉമര്‍ഫൈസി, മലയമ്മ അബൂബക്കര്‍ ഫൈസി, സലാം ഫൈസി തുടങ്ങിയവര്‍ സംസാരിച്ചു.