ചേളാരി: സമസ്ത കേരള ജംഇയ്യത്തുല് മുഫത്തിശീന് ഭാരവാഹികളായി കോട്ടുമല ടി.എം. ബാപ്പു മുസ്ലിയാരെ പ്രസിഡണ്ടായും എ.ടി.എം.കുട്ടിയെ ജനറല് സെക്രട്ടറിയായും വി.കെ.എസ്. തങ്ങളെ ഖജാഞ്ചിയായും തെരഞ്ഞെടുത്തു. വൈസ് പ്രസിഡണ്ടു മാരായി ചീഫ് ഖാരിഅ് പി. അബ്ദുറഹിമാന് മുസ്ലിയാര്, ടി.കെ. മുഹമ്മദ് മുസ്ലിയാര്, ജോ. സെക്രട്ടറിമാരായി എം.പി. അലവി ഫൈസി ചുള്ളിക്കോട്, കെ.എച്ച്.കോട്ടപ്പുഴ, ക്ഷേമനിധി കണ്വീനറായി എ.ടി.എം.കുട്ടി മൗലവിയേയും ജോ. കണ്വീനററായി ടി.പി.അബൂബക്കര് മുസ്ലിയാരെയും തിരഞ്ഞെടുത്തു. ചേളാരി സമസ്താലയത്തില് ചേര്ന്ന വാര്ഷിക ജനറല്ബോഡിയാണ് ഭാരവാഹികളെ തെരഞ്ഞെടുത്തത്.
സംസ്ഥാന ഹജ്ജ് കമ്മിറ്റി ചെയര്മാനായി തെരഞ്ഞെടുത്ത ടി.എം.ബാപ്പു മുസ്ലിയാര്ക്ക് ജംഇയ്യത്തുല് മുഫത്തിശീന് ഷാളണിയിച്ചു സ്വീകരണം നല്കി. പൂര്വ്വകാല പണ്ഡത സൂരികള് സജ്ജീകരിച്ച പാന്ഥാവിലൂടെ സഞ്ചരിക്കുന്ന സംഘടനയാണ് സമസ്ത കേരള ജംഇയ്യത്തുല് ഉലമാ. പാരമ്പര്യത്തിന്റെ ഈ പാന്ഥാവിലൂടെ സഞ്ചരിച്ച് ഐഹിക പാരത്രിക വിജയം നേടിയെടുക്കാന് നാം ബാധ്യസ്ഥരാണ് എന്ന് ബാപ്പു മുസ്ലിയാര് പറഞ്ഞു. മാനേജര് പിണങ്ങോട് അബൂബക്കര് യോഗം ഉദ്ധാടനം ചെയ്തു. കെ.സി.അഹ്മദ് കുട്ടി മൗലവി, എ.ടി.എം.കുട്ടി, എം.പി.അലവി ഫൈസി, കെ.എച്ച്.കോട്ടപ്പുഴ പ്രസംഗിച്ചു.
