മലപ്പുറം: സമസ്ത 85-ാം വാര്‍ഷിക സമ്മേളനത്തോടനുബന്ധിച്ച് കന്യാകുമാരി മുതല്‍ മംഗലാപുരം വരെ കോട്ടുമല ടി.എം. ബാപ്പു മുസ്‌ലിയാര്‍ നയിക്കുന്ന സന്ദേശയാത്രയുടെ ജില്ല യിലെ പ്രയാണം സമാപിച്ചു. ജില്ലാ അതിര്‍ത്തിയായ പാലപ്പെട്ടിയില്‍നിന്ന് ആരംഭിച്ച യാത്ര മൂന്നു ദിവസങ്ങളിലായി പൊന്നാനി, എടപ്പാള്‍, മൂടാല്‍, വളാഞ്ചേരി, പെരിന്തല്‍മണ്ണ, മഞ്ചേരി, അരീക്കോട്, കൊണ്ടോട്ടി, എടക്കര, മലപ്പുറം, കോട്ടയ്ക്കല്‍, തിരൂര്‍, താനൂര്‍, ചെമ്മാട്, ചേളാരി എന്നിവിടങ്ങളിലെ പര്യടനങ്ങള്‍ക്കുശേഷം രാമനാട്ടുകരയില്‍ സമാപിച്ചു.
വിവിധ സ്വീകരണകേന്ദ്രങ്ങളില്‍ ദഫ്മുട്ടിന്റെയും നിരവധി വാഹനങ്ങളുടെയും അകമ്പടിയോടെ യായിരുന്നു യാത്രയെ സ്വീകരിച്ചത്. സമസ്തയുടെ സത്യസാക്ഷികളാവുക എന്ന സമ്മേളന സന്ദേശം അറിയിച്ചുള്ള ലഘുലേഖ വിതരണവും നടന്നു.