ഓമശ്ശേരി : കലാ സാഹിത്യ രംഗങ്ങള് അശ്ലീലങ്ങളിലേക്ക് വഴിമാറിക്കണ്ടിരിക്കുമ്പോള് മൂല്യബോധമുള്ള കലാ പ്രതിഭകള് വളര്ന്നുവരണമെന്ന് കോഴിക്കോട് ഖാസി സയ്യിദ് മുഹമ്മദ് കോയ തങ്ങള് ജമലുല്ലൈലി പറഞ്ഞു. SKSSF കോഴിക്കോട് ജില്ലാ കമ്മിറ്റിയുടെ സര്ഗ്ഗലയം 2013 ഓമശ്ശേരി വാദി ഹുദാ കാമ്പസില് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലാSKSSF പ്രസിഡന്റ് കുഞ്ഞാലന് കുട്ടി ഫൈസി നടമ്മല്പൊയില് അധ്യക്ഷത വിഹിച്ചു. മുസ്തഫ മാസ്റ്റര് മുണ്ടുപാറ, ഇ.കെ. ഹുസൈന് ഹാജി,കെ.വി. മുഹമ്മദ് മുസ്ലിയാര്, എന് അബ്ദുല്ല ഫൈസി, പി.വി. അബ്ദുറഹ്മാന് മാസ്റ്റര്, എ.കെ.അബ്ദുല്ല, സൂപ്പര് അഹ്മദ് കുട്ടി ഹാജി, ആര്.വി.എ. സലാം, ഒ.പി. അശ്റഫ്, റഫീഖ് മാസ്റ്റര് കരുവന്പൊയില്, നൂറുദ്ദീന് ഫൈസി മുണ്ടുപാറ, സുബുലുസ്സലാം, ശര്ബുല് മഅ്റൂഫ് മൂഴിക്കല്, പി.സി.യൂസുഫ് ഫൈസി സംസാരിച്ചു. ജില്ലാ SKSSF ജനറല് സെക്രട്ടറി ടി.പി. സുബൈര് മാസ്റ്റര് സ്വാഗതവും പി.ടി. മുഹമ്മദ് നന്ദിയും പറഞ്ഞു.